Formación en benestar e coidados naturais a través da elaboración de cosmética feita con plantas medicinais e ingredientes 100% naturais.

Unha proposta para aprender a crear produtos de hixiene e coidado persoal desde unha mirada consciente, saudable e respectuosa co medio, recuperando saberes tradicionais e conectando coa riqueza do noso entorno.

Para concellos, asociacións, centros sociais e outros colectivos que desexen ofrecer actividades formativas vinculadas ao benestar, á cultura e á autonomía nos coidados.

---

Aprender facendo

Obradoiros prácticos nos que as persoas participantes descobren como transformar plantas e ingredientes naturais en produtos útiles para o día a día.

Ao longo da formación trabállase:

• o recoñecemento de plantas con usos cosméticos
• a preparación de aceites e extractos vexetais
• a lectura de etiquetas e identificación de ingredientes nocivos
• a elaboración de receitas sinxelas para o coidado diario

Un espazo para experimentar, crear coas mans e recuperar a sabedoría dos coidados lentos.

---

Dous obradoiros complementarios:

Cosmética natural I

Coidado do cabelo, rostro e mans.

Elaboración de:

• champú herbal
• bálsamo labial
• crema facial
• crema de mans

Cosmética natural II

Hixiene corporal e coidado diario.

Elaboración de:

• desodorante natural
• xel de ducha
• crema corporal
• pasta de dentes

Todos os materiais están incluídos e cada participante leva as súas propias elaboracións.

Benestar, cultura e territorio

Unha experiencia formativa para promover hábitos máis sostibles, coñecer mellor o que aplicamos na pel e recuperar a conexión entre plantas, saúde e cultura popular.

Ideal para programacións de benestar, igualdade, saúde comunitaria, medio ambiente e recuperación de saberes tradicionais.