Devagar

Devagar vaise lonxe…

(devagar) Vai-se por un camiño de ida que tamén é o de volta.

(devagar) Van-se ollando as herbiñas que nacen aos nosos pés. Parecen-nos simples pero, despois de observar un bocado, xorden as preguntas… Porque estades aí? Cal é a vosa historia?

Ollar (devagar) as plantas dos camiños ou as que nós cultivamos, as que medran nas nosas hortas como as que cultivamos en macetas, é como admirar un ceo estrelado lonxe do ruído e da luz artificial das cidades. Desde un sentimento profundo de pertenza á inmensidade, achegarmo-nos aos saberes mais profundos, antergos, intuitivos,.. un camiño mais para chegarmos a nos mesmas.

Obradoiros (devagar)

Nos obradoiros (devagar) deixamonos levar polas sensacións que nacen do contacto coas plantas vivas e coas materias primas naturais… divulgando e compartindo coñecementos sobre saúde e beleza; convertendo inquedanzas en alternativas sustentables e saudables para o noso organismo.

Os obradoiros (devagar) están pensados para realizarse en negocios de lecer, concellos, asociacións, ANPAs, centros sociais ou dentro da programación de calquera outra institución pública ou privada, así como para grupos de persoas interesadas nalgún contido específico.

Como é de numeroso o teu grupo? Que idades comprende? Como é o teu espazo? Canto tempo queres que dure? De que orzamento dispós? Queres que o publicitemos?

Saberes

Aquí tes algunhas ideas para comezar a organizar o obradoiro de ese evento especial! Non dubides en contactar comigo para consultar calquera dubida e darlle forma a esa actividade que estás imaxinando. Mentres e tanto, aquí che deixo algunhas ideas que teño desenvolvido nos últimos anos.

	Remedios da nosa flora medicinal		Sendas Naturais		Plantas medicinais do Camiño		Partilla de Saberes
	Cosmética Natural		Api-cosmética		Xabón Arte-san		Alucina coa Alquímia!

Saberes

Aquí tes algunhas ideas para comezar a organizar o obradoiro de ese evento especial!

Non dubides en contactar comigo para consultar calquera dubida e darlle forma a esa actividade que estás imaxinando. Mentres e tanto, aquí che deixo algúns dos proxectos que teño desenvolvido nos últimos anos.

	Remedios da nosa flora medicinal		Sendas Naturais		Plantas medicinais do Camiño		Partilla de Saberes
	Cosmética Natural		Api-cosmética		Xabón Arte-san		Alucina coa Alquímia!

(O proxecto)

Son Maria Frá.

Durante anos cultivei un amor intenso pola Terra e camiñei as nosas montañas, percibindo a dimensión verdadeira de quen nós somos. Comecei a sentir a necesidade de nomear aqueles plácidos seres, primeiro as impoñentes árbores, logo as mais pequenas herbiñas que deixaba aos meus pés.

Fai mais de dez anos que puiden experimentar por primeira vez e en min mesma o poder medicinal daquelas herbas, con grata sorpresa pois descoñecía aquel potencial curativo. Logo, os camiños da vida trouxéronme aos pés da Martiñá, onde a aperta coa Terra estreitouse no traballo agrícola e na experiencia de ser mai. Con esta bagaxe, comecei a tecer na vella rede da medicina tradicional e natural, seguindo sabios consellos e experimentando o poder das plantas medicinais directa e indirectamente.

Desde o ano 2004 transmito estes coñecementos impartindo cursos e obradoiros de identificación e utilización de plantas medicinais e dinamizando espazos de partilla de saberes. Son autora do libro “Remedios da nosa horta medicinal”, da editorial Baia Edicións.

Por medio da alquimia vexetal cheguei ao apaixonante mundo da artesanía do xabón e da cosmética natural, onde a miña natureza creativa encontrou outro eido de expresión, que me permite conxugar os coñecementos sobre plantas medicinais con outros saberes relacionados coa saúde, e esa necesidade tan humana de expresármonos plasticamente.

(devagar) é mais un pasiño nun camiño longo, no que pretendo contribuír a levar para o futuro os usos milenarios das plantas medicinais do noso entorno, conxugando unha longa tradición con necesidades, coñecementos e posibilidades novas, e adaptando os formatos e os contidos para facer viable a transmisión cultural no contexto das novas tecnoloxías de comunicación e de novos espazos de encontro.